Taybet-Bûyerpress
Tîma Cîhad a Werzîşê serkeftineke girîng û buha bi dest xist, ew jî li hember tîma Elerebî bi encama 5-1, ku di dawiya gera kombûnê de li ser zemîna Leyzgeha Elmecid li Şamê li dar ket.
Golên Cîhad her yek ji Ebduselam Ibrahîm 3 gol avêtin, golek Fîras Setûf û golê din Ehmed Elsîx avêt.
Di peywendiyeke telefonî de li gel Bûyerspor, golarê Tîma Cîhad K.Îmad Îsa got” Destpêkê em vê serkeftinê diyarî cemawerên xwe yên buhagiran dikin, her wiha diyarî her kesekî palpişt dikin”
Îsa dewam kir ku”Her çi qas fişareke mezin li me hat ji beriya lîstikê, lê belê lîstikvanan biryara xwe dabû ku bi ser bikevin”
Di dawiya axaftina xwe ya li gel Bûyerspor, Îsa got ku em ber bi qonaxeke hestewar ve diçin, û hêvîyên xwe anî zimên ku hemî sazî û bazirganên heyî palpiştiya Tîma Cîhad bikin.
Hêjayî gotinê ye ku Cîhad wekî serkêşê kombûnê ji bo gera pêşî hat vehildan, ew jî di pişt 4 serkeftinan û binkeftinekê.
Sernivîseratî: Odeya Bûyer a Nûçeyan
