Îro 21’ê Sibatê Roja Zimanê Dayikê yê Cîhanê ye. Îro jî li ser cîhanê gelek ziman hene ku di bin xetereya windabûnê de ne. Gelek ziman hene ku bi zor û zulmê hatine asîmîle û lawaz kirin. Windabûna ziman windebûna dîroka gelekê ye. Windebûna mirovatîyê ye. Qetilkirina ziman qetilkirina maneviyata gelekê ye. Mixabin îro jî ew qetlîam û asîmîlekirina ziman bi şêwazên cur be cur berdevam dike. Li hemberî wan sîyasetên dij-mirovatî/dij-ziman gelan bi zimanên cüda bi cûda têkoşîn didin. Ji bo vê jî 21’ê Sibatê Roja Zimanê Dayikê yê Cîhanê roja têkoşînê ye.
Mafê hemû gel, netew û mirov hene ku bi zimanê dayika xwe bixwîne, binivisîne, biaxive. Mafê wan hene ku bi zamane xwe perwerde bibînin. Û herî girîng ew e ku li hemberî sîyaseta asîmîlasyon û qirkirina ziman û çand têkoşîn bikin.
Em jî wekî SYPG’ê, di beyannameya saziyê de helwesta me ya di derbarê mafê zimanê zikmakî de me wiha anîbû ziman “Saziya me, weke di hevpeymana Rojavayê Kurdistanê de jî tê diyarkirin, jê bawer e ku, li Rojhilata Navîn divê her netew, her gel di her qadên jiyanê de zimanê xwe yê zikmakî û çanda xwe bi kar bîne, pêş bixe û ji bo vê yekê jî têkoşîn bike. Û pêwîst dibîne ku ziman û çandên ku bi salan tune tên hesibandin, tên bişaftin û ji ber van jî paş de mane gerek bêhtir werin destek kirin û gavên di vî warê de tên avêtin teşwiq û destek bênkirin.”
Şoreşa Rojava di heman deme de şoreşa zimanê ye. Li Rojava hemû gel, netewan bi zimanê dayika xwe perwerde dibinin, di hemû qadên jiyanê de ziman û çanda xwe ya netewîyê bikar tînin û pêşve dixin. Ew li dijî desthilardarên şowen, faşist, bişavker sekna gelên Rojava ne. Ew destkeftina hemû gelên Rojhilata Navînê ye. Ji bo vê jî em dikarên bêjin Şoreşa Rojava Şoreşa biratiya zimanan e.
Li ser vê esasî em wê rojê ji hemû gelên ku zimanê wan hatine qedexekirin û di bin xetereya tunebûnê de ne û ji bo vê jî tê dikoşin re, pîroz dikin.
Bê Ziman Jiyan Nabe!
Bijî Biratiya Zimanan!
SYPG
(SAZIYA YEKÎTÎ Û PIŞTGIRIYA GELAN)
