Hevdîtina Hunerê ya Kurdistanê ya Navneteweyî ji aliye 230 hunermenda ve bi dûruşmeya “Rojava Bergeha Azadî û wekheviyê ye” dest pê kir.
Hevdîtina Hunerê ya Kurdistanê ya Navneteweyî ji aliye 230 hunermenda ve bi dûruşmeya “Rojava Bergeha Azadî û wekheviyê ye” li salona resepsiyonê ya Sumerparkê ya Amedê dest pê kir. Di resepsiyonê de niviskarê kurd, Hevşaredara Bajara ya Mezin a Amedê Gulten Kişanak û hevşaredara Yenîşehirê ya Amedê Ulku Baytas û gelek kes tevli bûn.
Pêşangeha ku hate vekirin welatiyan eleqeyek mezin nîşan dan. Wênesaz Mounir Shekhe axivi û diyar kir ku bi reveberiyê Şaredariya Bajar ê Mezin û şaredarên navçeyan ev xebat li dar xistin û wiha got: “Lihevhatina hunermendên kurd gelek girîng e. Divê xebatên wisa li her çar parçeyên Kurdistanê bên lidarxistin.”
Hevşaredara Bajara ya Mezin a Amedê Gulten Kişanak bi kurdî axivî û diyar kir ku bi hatinê wenesazan pir kêfxweş û dilşad bûye û wiha got: “Xebatekî wisa ji bo hevdîtina Hûnerî ya Kurdistanê ya Navnetewî girîng e. Hûn rolekê mezin dilîzîn. Bi saya we gelên me zêdetir ji hev hez dikin. Tenê hezkirin dikare şaşîtî û xeletiyên dirokê rast bike, şer û xirabiyan di nav gelan de xilas bike. Ji bo vê hevdîtinê 230 hûnermend ji her derê cîhanê hatine vir. Ez bawerim ev hevdîtin dê tekîliya navbera hûner û ramanê de heta dewiyê berdewam bike.”
Xendan