Rojava…
Bibêje çi çax…
Tu razayî
Yan çi çax min hiştiye…
Tu rakevî
Yan te hiştiye bê te…
Ez razêm
Rojava…
Nebêje tu kanî?
Rast e ez ji te dûr bûm
Lê …
Hebûna te…
Navê te…
Wêneyên te…
Rengê te…
Evîndariya te… Belê
Her tiştên te
Mîna meyê
Di peyala azadiyê de
Li ser masa şoreşê
Her dem û dem
Ez dinoşim
Rojava…
Pênûsa min her êvar…
Kilîla bûkaniyê…
Ji ser azadiya dêmên te…
Radike
Rojava…
Ramûsana min hilîne
Nêzîk e…
Nêzîk e…
Ez têm.
SÎPAN XELÎL
