Stranbêja ji Rojhilata Kurdistanê Seyran Ehmed bi stranekê behsa zîrekî û bedewiya xortên kurd dike.
Seyran Ehmed behsa naveroka strana xwe ji Rûdawê re kir û got: “Strana Kurrî Kurdistan, yek ji karên min ên nû ye û min ev stran bi herdu zimanê kurdî û farisî tomar kiriye.”
Awaza strana Seyranê, ji straneke hunermend Ziyad Esad hatiye wergirtin. Rizgar Qaremanî gotinên stranê yên farisî nivîsandiye û Simko Feyzî jî muzîka wê dabeş kiriye.
Derbarê gotina beşeke stranê bi zimanê farisî, Seyranê got: “Ez dixwazim bi riya vê stranê bedewî û zîrekiya xortên kurd nîşanî farisan jî bidim. Ev stran dê di kanala pmc a farisî de bê weşandin. Lewma, gellek kes dê lê temaşe bikin û bedewiya xortên kurd tê de bibînin.”
Rûdaw
