Şahciwana Kurdistanê ya berê Şênê Ezîz ragehand ku malpera şahciwana cîhanê taca wê wek yek ji ciwantirîn tacên cîhanê daye nasandin.
Şênê Ezîz li ser rûpela xwe ya Facebookê wiha nivîsiye: “Ez dixwazim ji were rabighînim ku piştî ez wek Şahciwana Kurdistanê bo sala 2012-2013 beşdarî hevrikiya şahciwana cîhanê ya sala 2014’an bûm, wêneyê taca min li ser malpera şahciwana cîhanê belav bû, malpera navborî taca min wek yek ji ciwantirîn tac li seranserê cîhanê da nasandin.”
Şênê diyar kir ku taca wê li welatê Taylandê hatiye çêkirin. Şahciwana Kurdistanê wiha nivîsiye: “Gava yekem ya dilxweşiya me ewe ku navê Kurdistanê derbasî vê hevrikiyê bû” û hêvî kir ku gava duyem bidestxitina nasanavê şahciwana cîhanê be.
