Îro şemiyê piştî nîvro li navçeya Mekteba Xalid a ser bi parêzgeha Kerkûkê ve ye, terorîstên DAIŞ 200 welatiyên Êzîdî yên revandi bûn ku hemû jin û mêrên bi temen û zarokin bûn azad kirin.
Fermandarê operesyonên başûrê Kerkûkê Wista Resûl ji PUKmedia yê re ragihand ku: Îro 17/ 1 / 2015`e piştî nîvro terorîstên DAIŞ 200 welatiyên Êzîdî yên revandin bûn, bi çar otombêlan anîn navçeya qedexe ya di navbera hêzên Pêşmerge û wan de û li Mekteba Xalid a ser bi parêzgeha Kerkûkê ve ye danîn.
Her wiha got: Dema ew anîn navçeyê me bi guman bûn û lê pişt re derket holê ku ew Êzîdî ne û hemû jin û mêrên bi temen û zarokin ku ji gêncan hatine cuda kirin, ti nasname li ser wan nîn, bi tenê çavkaniyekê diyar kir ku ew Kurdin û Êzîdî ne û ew berve navçeyên aram anîne.
Wista Resûl amaja b wê yekê jî kir ku hîç ti lêkolîn ligel welatiyên Êzîdî yên hatine azad kirin ne hate kirin û got: Nûnerê Êzîdiyan a di hikûmeta Herêma Kurdistanê de ye hate Kerkûkê û ew hemû veguhestin Hewlêrê.
PUKmedia