Li Parlamentoya Ewropayê konferanseke taybet liser rewşa dawî ya Rojavayê Kurdistanê, bi amadebûna hejmarek serok û endamên fraksyonên parlamentoyê, Hevserokê PYDê Salih Muslim û serok û endamên KNK’ê û herwiha hejmarek rojnameger û kesayetiyên Kurd û Ewropî hat lidarxistin.
Destpêkê bixêrhatina mêvanan hat kirin û armanca konferansê ji amadevanan re armanca konferansêji aliyê Endama Parlamentoyê ji Grûpa Çep Marie-Christine Vergiat û Endamê Kongireya Neteweyî (KNK) Adem Uzun û kesên bakur û moderatorên konferansê ve hat şirovekirin.
Adem Uzun piştre kurte-fîlmekî 20 deqîqeyî pêşan da ku ji aliyê du rojnamevanan ve li Rojavayê Kurdistanê hatibû kişandin. Hevserokê PYD’ê Salih Muslim gotarek liser rewş û pêşhatên dawî yên li Rojavayê Kurdistanê pêşkêş kir. Muslim di gotara wxe de behsa Kobanê jî kir ku niha Pêşmerge û şervanên Kurd bi hevra li hember DAİŞ û grûpên terorîst şer dikin û deverê pakij kirin.
Kamran Matîn û Bodil Ceballos û Gabriele Zimmer jî liser Rojavayê Kurdistan û rewşa penaber û koçberan li welatên din kirin û nîqaşeke berfireh li ser mijarê hat kirin. Konferansê nêzîka sê saetan berdewam kir.
Hêjayî gotinê ye konferans bi çavdêriya Parlamentoya Ewropayê dihat birêvebirin û şopandin. Di konferansê de hinek kanal û dezgahên medya Kurdistanî û cîhanî jî beşdar bûn, BasNewsê jî di civînê de cî girt.
Kesên di konferansê de axifîn:
Kamran Matîn Akademisiyonê Kurd ji Zanîngeha Sussex ji Îngiltere.
Hevserokê PYD’ê Salih Muslim.
Endama Parlamentoyê Bodil Ceballos ji Grûpa Keskan.
Endama Parlamentoyê û Seroka Grûpa Çep û Keskên Bakur Gabriele Zimmer.
BasNews
