Balafirên Hevpeymaniya Navdewletî şeva borî car din çeperên DAIŞê li nêzîk bajarê Kobanî bombebaran kirin.
Peyamnêrê Rûdawê li ser sînorê Kobanî ragihand ku, “Derengiya şeva borî, balafirên şer yên Amerîka û hevpeymanên wê êrişî çekdarên DAIŞê li nahiyeya Şêran û gundê Helincê li nêzîk Kobanî kirin.”
Peyamnêrê Rûdawê diyar kir ku, “Heta niha hejmara kuştî û birîndarên DAIŞê di encama bombebaranê de nediyar e.”
Bi gotina Peyamnêrê Rûdawê, “Ti çekdarekî DAIŞê derbasî nav bajarê Kobanî nebûye û cihê herî nêzîk ku di destê DAIŞê de ye 3 km dûrî bajarî Kobanî ye.”
Peyamnêrê Rûdawê aşkere kir ku, pêla koçberiya xelkê Kobanî ber bi Bakurê Kurdistanê ve rawestiyaye û ji duh ve ti kesî sînor derbas nekiriye.
Rûdaw
