بروتريه: فشة خلق.. اتفقنا و ياما رح نشوف – حسن إسماعيل

25

اني اغرق .. اغرق .. اغرق

 

حسن لسماعيل
الكاتب حسن إسماعيل

بيمانى هوليرة ( اتفاقية اربيل ) … بيمانى دهوكة (اتفاقية دهوك ) … هيئة كوردية عليا … مرجعية سياسية كوردية … معبر فيشخابور الحدودي موصد بألف مفتاح ومفتاح وبقدرة الآلهة يتحول للوفود المتنازعة إلى اوتستراد دولي والكل رايح لشيراتون اربيل وإلى جناب السروك والقضية ضايعة ويمكن يلاقوها بشي وجبة دسمة بالأقليم أو ظرف مختوم فيه الأخضر يرن رن ويرج رج والمعجزة الديار المباركة دائما للاتفاق وديارنا الملعونة صارت ساحات خلاف وشقاق, والحل الشباب يتركوا لعنة الكر والفر ويستوطنوا بأربيل ويأسسوا هيئة المصالحة اليومية الساعية ويتخصصلهم جناح بفندق اربيل الدولي ويكون الاتصال مع غرفة عمليات قامشلو مفتوح اربعة وعشرين ساعة والقادة من اربيل يستلموا مهامهم القومية الشاقة بأن يصلحوا ذات البين في كل خلاف وشقاق و يكتبوا بكل خلاف اتفاقية تاريخية مباركة .. اربيل ..الأخوة الكوردية .. لا للاقتتال الكوردي .. المصالحة الكوردية .. الاتفاق التاريخي ..يدا بيد نحمي كوردستان سوريا .. معا لانقاذ كوباني وعفرين وقامشلو و ديرك … الحصان الجامح … الطاحونة الحمراء…هزي هزي يا نواعم ..آسف لا تواخذوني اصدقائي والله خطأ غير مقصود …مطبعي ؟؟!!

و أكيد الحل بأربيل طالما الوجبات بأربيل و الدسم بأربيل والضغط بأربيل والاخضر بأربيل وكمان لا تنسوا الاحمر والاصفر يا قامشلو طيري طيري وروحي لأربيل … يومكم أربيلي بامتياز.

 

طب ليش الزعل حبايبي …إذا كان حالنا مايل ومعدل تكاثرنا السياسي فاق القرن الأفريقي والهند ودايما نختلف عالعهود والمواثيق المخفية عن عيون الحساد وعمنا الملا رفع الكرت الاحمر ” كش ملك ” ضرورة تاريخية لحماية الحزب الأم ويا الله شو الأم غالية.

بس لا تاكلوا هم طالما فريقنا العظيم اتعود الهزيمة باحدى عشرة لاعب شو المشكلة إذا تابع مشوار الهزائم بدون ثلاث لاعبين .. بس زكاتكم تصفيق للكابتن مع بخة موسع قصبي الله يعين الجميع من أرذل العمر.

الله يعين جناب السروك شو رح يتحمل ويتحمل … من جرح شنكال لخلافاته مع الحكومة المركزية لحربه الضروس مع طغاة العصر الدواعش وبالأخير نحن وأزمتنا الساعايومية ووو

برجعلكم بعد فاصل موسيقي .. اني اغرق .. اغرق .. اغرق

 

التعليقات مغلقة.