العر
.. حصري و خاص مناظرة المرجعية السياسية المسرحية : فرسان على خشبة بوير برس … كوميتراجيدية كوردية من الواقع.
المؤلف: الأخوة الأعداء ،، كورداغوف.
المسرح: تيادرو بوير برس للاستعراض السياسي الكوردي – قامشلو.
المخرجان: أحمد بافي آلان – قادر عكيد .. بويرليود للانتاج و المسرح الاستعراضي. الممثلون: مبدعون .. موهوبون .. محترفون .. تلاميذ لمدارس أتقنت التمثيل لعشرات السنين.
الجمهور: جماهير تعودت التصفيق ثم التصفيق ثم التصفيق .. حتى و إن لم تسمع صوت الممثلين. الغرابة, العرض الأول لقنبلة الموسم ويتأخر نصف ساعة والجمهور يحوص و يلوص و فجأة يتم تقديم الممثلين من قبل المخرج .. واحد واحد وبخطوات استعراضية مع مرافقة ؟! ليدي بتاخد العقل بس والله الجماعة زينوا المنصة. بس شو قصة صاحبنا القادم من شي دولة اوربية كان أخونا فايق يمكن سمعت قال عابر البوسفور او هو بوسفور بالانتخابات أو هيك شي, بس والله القصة فيها مضيق مائي وانتخابات بلدية لاشرعية بس الإدارة الذاتية شرعية ونص وسياسة الوضع الراهن والشرعية لا بدها جماهير ولا صناديق .. ربي يرزقك الجنة بوسفورنا, بس الديمقراطية شو بدها كمان سياسة كن فيكون, بس والله شبابنا الحلوين الشيخ ونصر معهم حق والانشقاقات كلها سياسات خارجية هدفها النيل من الاحزاب الصامتة, آسف, الصامدة لتاريخها العريق في الكولكتي, آسف الكوردايتي .. بعتذر والله غير مقصودة بس صعب أفهم شو معناها زوبعة في فنجان.. بس شو قصة الغالي عبدالسلام والله مشكور الفضل حمانا من جماعة المراهقين السياسيين شبابنا وشايف الكل فل وهرب ورا الحدود بس عادي نستورد شباب وأكيد الزلمة على حق تلميذ روسو بالقانون والعقد الاجتماعي بس المشكلة القانون صح وممتاز, بس التطبيق صعب .. عادي أكتب وارم بالخرج, بس أهم شي ما يطلع تفسير الديمقراطية العمل بالشريعة الاسلامية وما عرفت ليش متحسس من “طرشكة فاصولية ” والله طيبة وأفضل من كباب فنادق اربيل و تورة بورة بس حبيب قلبي أبو محمد زت البحصة و قالها بصراحة بأن مكتبهم يمكن بعفرين الشباب مسكرين .. معقول هاد الشي وعم ينادوا بالديمقراطية .. صديقي هدي حالك والله ما بتستاهل وكلها كم شهر انقضت وعين الله عليكم شفناكم اصدقاء وشركاء وتخريج دورات وقوات أسايش التقدمي و مفارز التقدمي .. ربي وأنت جاهي ترجع المياه لمجاريها, بس شو قصة صديقي عبدالصمد وأبو الفوز والله كل ظني الشباب كومبرس لا حس ولا خبر معقول صاحبنا البوسفور شيار طلع حكوجي أكتر منهم .. بس الدنيا دوارة وأكيد الشباب منتظرين الوقت المناسب للرد وكمان المكان المناسب بس السؤال الأهم ليش جماعتنا بالبارتي ما حضروا؟ معقول اجتماع وهيكلة التنظيم وإعادة تمثيل نائب لرئيس الائتلاف ووو بس والله معهم حق حملهم ثقيل, وخايفين المركب يغرق .. المشكلة لليوم ما قدرنا نعرف القبطان ويمكن نموت وما نعرف .. التقية ضرورية و هاد حقهم لا غبار عليه بس صديقي أبو آلان والله ما معك حق … كنت حابب أكمل وحضرتك ماسك المايك وعم تلح .. والله حرام … حلفتك برحمة سيدنا الشيخ لو كان واحد من حبايبنا بـ” تف دم “أو شي كادرو كنت تقدر حتى تفكر تطلب منه يعمل ستوب ؟؟!! المرة القادمة أو العرض القادم لا تنسونا …. سبااااااس
نشر في صحيفة Bûyerpress في العدد 14 بتاريخ 1/3/2015